viva vox

maksim_l @ 2009-12-28T11:24:00

2009-12-28T09:24:16Z

у маці духбаковае запаленне, на хуткай адвезлі ў шпіталь, пад кропельніцай ляжыць :(

maksim_l @ 2009-12-22T13:07:00

2009-12-22T11:07:14Z

як засведчыў эксперымент, ружовыя адценні і сардэчкі тут не дарэчы

maksim_l @ 2009-12-11T13:14:00

2009-12-11T11:14:12Z

Праскроліў свежаспечаны сіцькаў шэдэўр, для агульнага развіцця, нічога новага, нават сорамна за плынь -- скампіляваны Урбан, Ермаловіч, Пануцэвіч etc., чаго складальнік і не хавае. Непрыемна ўразіў выхад шэдэўра пад (с) ТБМ. Але сэнс не ў тым, ніколі не цікавіўся літамі (летамі, лейтамі і г.д.), тут вока выхапіла цытатку (1180-я) з класіфікацыяй падданага славянскага насельніцтва, дзе былі вылучаныя тры катэгорыі -- supanos, withasii, liti они же zmurdi. Вядома, нават не гледзячы на лацінамоўныя тлумачэнні, пазнаюцца жупаны (вясковыя старосты -- паводле тлумачэнняў), віцязі (конныя слугі) і смерды (остальные) они же liti. Не разбіраўся ў тонкасцях тэмы, але нешта падказвае, што liti гэта "людзі", пагатоў "людзі" і "людзіны" вядомыя крыніцам тае ж групы. Не, вядома, ведаю пра катэгорыю ў барбарскіх Праўдах, толькі падазрэнні ад гэта не змяншаюцца.

maksim_l @ 2009-12-01T21:01:00

2009-12-01T19:01:03Z

Як пра рыб не ведаеш, калі яны п'юць, так пра брокера не ведаеш, калі ён крадзе.

maksim_l @ 2009-11-26T13:13:00

2009-11-26T11:13:49Z

О_о прабеларусы запрадаліся забеларусам, і відаць за дорага, дык чаго дзівіцца на ўзмацненне промняў таго самага

=)

2009-11-24T09:18:10Z

каля Камароўкі сустрэў знаёмы твар, доўга чухаў тыкаўку ху із, мо гэта Панкавец хадзіў да сырнай бландынкі? :)

maksim_l @ 2009-11-21T20:41:00

2009-11-21T18:41:09Z

Прачытаў у Шаланды гіпотэзу, быцца першая жонка Міндоўга і маці Войшалка была дачкою Ізяслава, маўляў, гэтым тлумачыцца пазнейшае княжанне Войшалка ў Новагародку. Катэгарычна не пагаджуся, Міндоўг напэўна вядомы паганец і шлюбу быць не магло. Па-другое, з формулы "возведе на Кондрата Литву Минъдога, Изяслава Новгородьского", па-мойму, не вынікае, што Міндоўг быў зяцем Ізяслава, хутчэй не. Застаўшыся ў рэчышчы, прапаную іншы погляд -- дазволім сабе, што зяцем Ізяслава быў Войшалк, прынамсі гэтым можам тлумачыць яго хрышчэнне ў Новагародку, што пазнейшы храніст апісваў рэтраспектыўна і больш агіяграфічна.

maksim_l @ 2009-11-12T14:04:00

2009-11-12T12:04:23Z

Нарэшце, і да мяне дайшоў спам -- "нанаметодыка гарантаванага пахудання" -- абяцаюць мінус 10 кг за 2 тыдні. Крыўдна, камусьці прапануюць памеры павялічыць, а мне дык паменшыць. І дзе ў жыцці праўда?

maksim_l @ 2009-11-08T16:40:00

2009-11-08T14:40:19Z

Халадзільнік амаль пусты, на вуліцы грыпус, а арганізм хоча есці -- правёў ператрус, знайшоў пачак крылаў (каля 1,2 кг). Дастаў замёрзлы булён, адсёк недзе 250 гр., паставіў на агонь у шырокім рондалі, адключыў калі закіпеў. Адрэзаў танчэйшыя фалангі (іх у маразілку да кучы), запаніраваў, абсмажыў крылы на смятанкавым масле, закінуў у рондаль з астылым булёнам, пасаліў. На шклянку смятаны (у мяне 12%), 3 жаўтка (вавёрак у маразілку;) і 3 вялікіх кроплі табаска -- усё гэта да крылаў, на самы малы агонь (каб не закіпела), пад накрыўкай 20 хв., перыядычна памешваючы. Праз 5 хв. буду радаваць арганізм :)

з дошкі аб'яў

2009-11-08T11:42:02Z

мапед не мой, але чаму не дапамагчы чалавеку, мо і зацікавіцца хто ;)

"Сдам комнату или две, 1000 у.е., торг

Мужчина в полном расцвете сил ведущий развратный образ жизни в большой 4-х комнатной квартире в центре разделит свой кров, пищу и деньги с в меру симпатичной аморальной студенткой. Пожелания в личку."

Зацікаўленым, калі ласка, кантакт: http://profile.onliner.by/user/173849

апупея

2009-11-06T19:58:42Z

Колькі тыдняў шукаю кватэру, уражанне, быццам агенты не чытаюць мае ўмовы, процьма часу забіта заведама марнымі праглядамі -- сёння паказалі жудасны клапоўнік, ну і што, мо ў нас з агентам розныя ўяўленні пра клапоўнікі, усё разумею, але адмыслова ж рабіў націск на *добрую* пліту, без яе жыць не магу, але зусім не хацеў антыкварную пліту. Другая кватэрка сёння была цудоўная, проста найцудоўнейшая, але на першым паверсе, прычым вуліца на ўзроўні падлогі, а прасіў жа каб не першы/апошні паверх быў. Лаяцца не хочацца, карацей, такая вось апупея.

прабачце, што на нач, але...

2009-11-02T21:21:20Z

... проста парвала рэкламка 1930-х, як высветлілася, на словы Маякоўскага, не магу не падзяліцца =)

мудрая Тарціла

2009-10-26T11:57:04Z

(с) німаё

жыццё жульенам

2009-10-25T13:43:35Z

Ноччу бег на цягнік, ці то да Брэста, ці то да Гродна. Калі прачнуўся, за вакном невядомая станцыя, выйшаў на платформу -- Рыга -- вядома ж, у цемры паблытаў вагоны. Цягнік пайшоў, відаць у Капенгаген, з ім мае рэчы і дакументы, я на платформе. Што рабіць, пайшоў да мытнікаў. Вельмі ж, як высветлілася, я падобны да рускага шпега, але пасля дэкларацыі: "Рыга -- спрадвечны беларускі горад", -- дэпартаваны на родную зямельку. Па выніках вандроўкі, з'явіўся расстрэльны спіс фрэндаў.

лічыце за трызненне

2009-10-20T16:44:19Z

Неяк, гартаючы гісторыю Венгрыі, падумалася, а калі ўявіць немагчымае, і вільняне праўда пасылалі да рамеяў па расціслававых сыноў, якім шляхам Расціславічы дабраліся да Вільні? Тымчасова ці не ўся Еўропа апалчылася супраць рамейска-венецыянскага саюзу, у т.л. французскі кар. Людовік VII, сіцылійскі кар. Ражэр II, венгерскі кар. Геза II, германскі герцаг Вельф VI, рашскі жупан Ураш II, валынскі і пазней кіеўскі кн. Ізяслаў Мсціславіч. Гэтую кааліцыю ачольваў папа Яўген III, які рыхтаваў чарговы крыжовы паход (2-гі; 1147-1148) у якім, дарэчы, актыўна ўдзельнічала нармандска-англа-французская арыстакратыя (ды так актыўна, што ў Англіі перапынілася грамадзянская вайна). Дык у Расціславічаў, бадай што, не было іншага шляху як абплысці Еўропую. Але, вядома ж, нагэтулькі далекіх плаванняў без заходу ў порты тымчасова быць не магло, а захадзіць ў порты ў Італіі, Францыі ды Англіі яны, напэўна ж на венецыянскім караблі, не маглі -- застаецца мусульманская Іспанія, Гвінед, а далей ужо лягчэй мусіць быць. Вам гэта нічога не нагадвае? Так, я хварэю ;)

maksim_l @ 2009-10-18T13:31:00

2009-10-18T10:31:47Z

З жалем назіраю, рамантычна-фолкгістарычны рух хутка трансфармуецца ў палатку хворых на запаленне мозгу, во сёння, апроч іншай лабуды, даведаўся, што я такі "літоўскі гісторык, але этнічны беларус і жыву ў Калінінградзе або Вільнюсе" -- ядронкорань, во працуе "саабражалка" у людзей, прыйдзецца раскрыць інкогніта -- палатка мусіць ведаць сваіх куміраў.

maksim_l @ 2009-10-15T22:44:00

2009-10-15T19:44:21Z

сустрэў такі яшчэ адно расчараванне, на радасцях з'еў 0,5 кіло пудынга з абрыкосавым джэмам нанач, дапамагло

maksim_l @ 2009-10-14T19:45:00

2009-10-14T16:45:52Z

мяне такі перапісалі, спыталіся пра "хатнюю мову" і на мой адказ "на рускай і беларускай" запісалі "трасянка", халера, потым выправілі на "русско-белорусский", фігассе... не запыталіся колькі ў нас хатніх гаспадарак, запісалі мяне разам з цёткай у адну, гэты перапіс такі перапіс, беларускамоўных бланкаў, вядома, не было

а ў выніку, што будзе? а выдадуць на гара 5% "роднай мовы" і пакажуць пальцам, маўляў, і тое хлусілі

maksim_l @ 2009-10-13T18:26:00

2009-10-13T15:26:17Z

а што, праўда цяпер у Літве нават у гателях рускую разумеюць горш, чым я па-літоўску балакаю, проста цікава? разумею, вядома, чакаюць болей на англамоўных і інш. немцаў :) не, па-мойму, рынак да Літвы шчэ' не дайшоў не халеры :) хаця, праўда, не нам вучыць рынку еўрапейскіх грамадзянаў, затое ў мовах папрактыкаваліся :))

Навінкі

2009-10-09T18:14:44Z

Па БТ прагучала, быццам на крычаўскім заводзе ў таварных запасах каля 4 млрд гумовых ботаў, розум адмовіўся верыць. Мо гэта ў рублях, дык не багатыя запасы тады, што за людзі -- абы ляпнуць, а мне ноч не спі.

maksim_l @ 2009-10-05T10:20:00

2009-10-05T07:20:19Z

Во халера, мала што зубы баляць, дык яшчэ працадаўца дурыць, маўляў, хадзіце сюды М.А. я Вам выплачу адпускныя кампенсацыі за чатыры гады, ага, але па 2 тыдні за год і колішнімі акладамі. Вясёлая цётка :( ыыы :( на табе дурань, трэ' было штогод гуляць свае законныя 20 з хвастом дзён, хаця б па частках. Ну нахъ, не, матам лаяцца не буду :(

maksim_l @ 2009-09-21T13:36:00

2009-09-21T10:36:44Z

Раніцай еду ў метро, побач мужык з газеткай "Беларус-МТЗ Обозрение", а ў ёй перадавіца "Белорусские тракторы вошли в Вильнюс", а ў газеткі, відаць, галоўны рэдактар з гумарам :)

мары, не дорага

2009-09-12T17:29:16Z

храм у Менску (1067-1073)

2009-09-11T12:10:06Z

Чытаючы чэсных і нячэсных журналістых пра раскопкі ў Мінску, валасы варушацца, адкуль столькі лухты. Па-мойму, З. даўно расставіў кропкі ў пытаннях бажніцы, указваючы на польскія ўплывы і паходжанне маці Яраполка-Пятра Ізяславіча, кн. менскага (1067-1073), на дэндрахраналогію зрубаў з асновай з вапняковых плітак, на абразок з выявамі Багародзіцы і св. Пятра знойдзены паблізу фундаменту бажніцы і інш. З. зрабіў слушную выснову, што бажніцу пачаў будаваць і нарыхтаваў шмат матэрыялаў Яраполк Ізяславіч, але не скончыў -- у 1073 разам з бацькам збег з Русі на Захад. Глеб Менскі выкарыстаў нарыхтаваныя матэрыялы для ўмацавання валу. Адно, відаць, "дыскусія" З. з Ш. замінала першаму зрабіць відавочную выснову, што і самі ўмацаванні на Нямізе пабудаваныя ў 1067-1073 таксама Яраполкам, бо гарадзішча на Менцы была малое і нязручнае, пагатоў спаленае.

яйцэ нібэсьпэчнасьце!

2009-09-11T07:32:02Z

(с) німаё