?

Log in

Купіў учора бараніны, лапатка -- 75 т.б.р./кг, кругляш кумпяка на костцы -- 100 т./кг, на від і на водар зусім свежая. У хваленай мною халяльнай краме -- 120 і 145 адпаведна, і якасць горшая, і цёткі хамаватыя, во як.

І забацаў шурпы -- 1,5 гадзіны, на хуткаварку які год радуюся, дзякуй, мама, сястра і стрыечны брат-нацык, за падарунак.
Што паліць дызайнер дыяграм у Genius, і той, хто гэта ўсё зацвярджае? Узроставая катэгорыя 45-54 пазначана старымі, а 55+ глыбокімі старымі, абодва скручаныя і з кульбамі. А 55, на хвілінку, і ў нашай сацыяльнаарыентаванай, непенсійны узрост.
Сёння нейкі дужа прадукцыйны дзень, мала што на працы звярнуў горы, якія ляжалі два тыдні мусіць. У Вікіпедыі напісаў артыкул пра Юлію Цімафееву, вельмі нечакана і грунтоўна дапоўніў артыкул пра Уладзіміра Шчаснага, нязначна дапоўніў мабыць з 10 артыкулаў, дэізаляваў яшчэ каля 10, зрабіў некалькі дзясяткаў рэдырэктаў. Вечарам насмажыў дранікаў :) Проста свята нейкае, кожны б дзень так. А дзень пачынаўся так сабе -- давялося вяртацца дадому ад метро, бо забыўся выпіць лекі.

Tags:

Схадзіў, дык схадзіў я на вікісустрэчу. 12-лапая банда адкрыла кран на кухні, паскідала ў мыйку розныя рэчы -- планавалася сур'ёзная дыверсія, але мыйка не заткнулася і паглынула большую частку вады. Пухнатыя вурдалакі, бачачы правал амбіцыйных планаў, падсунулі пад струмень лыжку, каб пырскі ляцелі па ўсёй кухні -- не патоп, то хоць мелка падгадзіць. Ну што, чвартаванне, думаю, самае то.
Прыйшоў на офіс... думаю, ці не варта пагаліць галаву.
Даволі хутка наш утульненькі офіс ад лёгкага расслабону перайшоў да лёгка дэпрэсняка.
Куды ні кінь -- усюды клін. Калі 25 гадоў таму, ад "вазьміце 0,5 л булёну", валасы варушыліся -- адкуль? Цяпер яны варушацца ад пытання дзе яшчэ яго захоўваць і як утылізаваць.

Ад таго, што 25 гадоў таму было нейкае разумнае жыццё, таксама варушацца.

Tags:

Як думаеце, запечаная з чабаром, часнаком і сметанковым маслам каранёвая салера з грыбным соусам і груцай на гарнір -- традыцыйна, дастаткова, як кажа пан Верашчака, шчыранька?

Tags:

28 Тра 2015

Мне тут вельмі падфарціла, знайшоў алічбаваны пералік землеўласнікаў Аршанскага павета за 1910 год, хай будзе 100 гадоў здаровы чалавек, які гэта зрабіў.

Сваю вёску знайшоў, троху іначай яна называлася тады, але гэта спішам на моўны бар'ер. Уласнік пазначаны як "т-ву кр. 34 вл.пр.", як разумею гэта расшыфроўваецца "[принадлежит] товариществу крестьян, 34 владельца, православные".

Гэта, атрымліваецца, чырвонапузая сволач скрала зямлю не ў аднаго майго прадзеда, а ў некалькіх...

Tags:

На працы чарговае "хоць кінь усё і ідзі", чалавечыя адносіны павольненька так пагаршаюцца і справа нават не ў грошах, мабыць, бо пачыналася не з іх. А мабыць і ў іх, цьфу ты.

Tags:

28 Крс 2015

Пакуль старэйшыя каты ганяюць балду на балконе, малодшы сядзіць на стале і кіруе працэсам -- назірае што рэжу, на якой патэльні смажу і ў якім рондалі гатую. Калі адкладваю нож, ён акуратна лапай падсоўвае бліжэй да мяне, маўляў, давай што там далей. Вось на каго я ўсё перапішу. Глядзіш пачне чакаць мяне з гатовай вячэрай, веру ў яго.

Tags:

Як парамантаваў маланачны бегунок то і надвор'е палепшала.
Originally posted by maksim_l at Фаланстэр запрашае на сустрэчу вікіпедыстаў і сімпатызуючых!
Сустрэча адбудзецца 3 красавіка, 19:00.

Будзем знаёміцца, гутарыць пра ВікіВясну 2015, будучыя вікі майстар-класы, стварэнне дапаможніка вікіпедыста, а таксама пра іншыя хвалюючыя пытанні.

Месца сустрэчы: Фаланстэр, вул. Захарава 77а, пам 2б

Могуць далучыцца ўдзельнікі з іншых гарадоў. (паведамляйце свой скайп на falanster.by@gmail.com)
Originally posted by maksim_l at post
Днямі Беларуская Вікіпедыя колькасна дацягнулася да Македонскай -- зараз у нас 81142, у македонцаў 81122 артыкулы. Якасна, без ілжывай сціпласці, мы даўно ў розных вагавых катэгорыях.

За люты 2015 года наведвальнасць БелВіксы склала амаль рэкордныя 8,4 млн. праглядаў, 7-е месца паводле прыросту праглядаў адносна лютага 2014 года сярод усіх 290 Вікіпедый.

Паводле статыстыкі за першы тыдзень сакавіка, наведвальнасць у сакавіку прагназуецца ў 10+ млн. праглядаў. Можа, будзе і меней, а мо і болей :)
Плана апублікаваны ў "Новай Газеце", калі то праўды, быў праўду кажучы не благі, але, як заўсёды ў Раісе -- дуракі і дарогі -- "паляпшэнні" і выкананне падкачала.
www.novayagazeta.ru/politics/67389.html

18 Лют 2015

Слухаў пасяджэнне СБ ААН. Чуркін у залі перакрэсліў Мінскія пагадненні і тую рэзалюцыю, якую Расія і прапанавала, і быццам падтрымала галасаваннем. Т.б. яўна паказана, не ведаю ці ўсе ў залі гэта зразумелі, што б ні падпісала Расія выконваць яна гэтага не будзе і наогул пляваць хацела. Прычым з нахабнай усмешкай. Пра хлусню і ўсё такое іншае няма чаго і казаць.

Не ведаю як, не ведаю хто, але гэтай пачвары трэба выбіць зубы і адсячы ўсё лішняе, іначай проста няма будучыні для нас, мабыць, і для ўсяго свету. З СССР і ў параўнанне не ідзе -- Расія вяртаецца ў стан "обло, озорно, огромно, стозевно и лаяй", мабыць, гэта яе натуральны стан, троху ўлагоджаны ў РІ панаехалымі "немцамі". Нам такое ... не трэба.
У Сняжным сёння "зялёныя чалавечкі" выдалі мед.супрацоўнікам "заробак", якога ўжо і не чакалі -- проста далі грошай, каму колькі, усім па рознаму, не зразумела за які месяц[ы] ці што як... Вядома, то не шырокая руская душа, проста ўжо і пад аўтаматам не прымусіць, валяцца з ног ад тыдню кругласуткава, столькі навезлі "адпрацаванага чалавечага матэрыялу", часам фактычна чалавечых запчастак... Цяпер во матывуюць. Жудаснае... запчасткі нікому не трэба, дапамагчы няма чым, толькі трупы вывозяць... пекла, толькі замест рагатых мед.персанал... бля.
Заказалі купіць дамоў торт "Казку", пайшоў да хлебзаводаўскай крамы, "Казкі" былі і пытаюся прадавачку ці хоць чым падобныя яны цяпер да колішніх. А яна мне: "Січас нічаво ні пахожа, *вашай* нізавісімасці ужэ 20 лет", -- вядома, спытаўся, што ёй *наша* незалежнасць, рукі пачалі не з таго месца расці ці што. У адказ толькі злы твар і: "Следушчы!", -- але ў краме быў толькі я адзін. Гідкая вата.
Думаў мінская галіна абслугоўвання ўжо не здзівіць -- чуў рознае, але што "асобныя рахункі" гэта "он заказал какой-то суп", па-мойму, нейкі крайні край.
Відаць, менавіта гэтак і ёсць. Усё думаў, няўжо у П. у галаве тое, што ён вярзе праз зомбаскрыню, не верыў, што ў сучаснага лідара, хоць і дыктатара, там можа быць такое. Урэшце надумаў, што так -- можа, на жаль, і вось не адзін гэтак надумаў. П. і Ко жывуць у сваім вузкім і затхлым "катушку" ды думаюць, што свет жыве такімі ж прынцыпамі -- узяць на понт, "адціснуць" і г.д. Толькі біць у пысу, больш нічога не застаецца.
http://grani.ru/opinion/skobov/m.237289.html
Людцы, у каго-небудзь Фэйсбук працуе?

26 Стд 2015

Во што сёння ў топу ЖЖ, каменты пякельныя, але ніхто ў нашых "братах" і не сумняваўся.
http://9-terik.livejournal.com/3415.html

21 Стд 2015

2-хпакаёвая "сталінка" на К.Чорнага-7 -- 120.000 дол., прыблізна такая ж кватэра ў не зусім цэнтры Манрэля каштуе столькі ж. Гэта ўжо банальна, але бянтэжыць кожнага разу.

Tags:

21 Стд 2015

Жыццё прымушае шмат чаго рабіць добраахвотна.

Tags:

Ось тут пішуць, кватэры ў Кіеве на другасным рынку патаннелі на 37%, праўда не ясна за які тэрмін (напісана "за 2014 год", але нешта не верыцца). А Мінску ні гу-гу, такая ў нас стабільнасць? І гэта без крэдытаў на жыллё ж.

08 Стд 2015

Тры кіроўныя зоркі наступных гадоў -- тушонка, золата, патроны.
З 3-га на 4-е памёр дзед, месяца не дажыў да 93, цяжка хварэў колькі гадоў, але да апошніх дзён быў у розуме і на сваіх нагах. Мы ніколі не былі блізкімі і не бачыліся апошнія 12 гадоў, усе цяжкасці выпалі на долю цёткі, якой вельмі спачуваю. Адышла апошняя заслона, нейкае такое адчуванне зараз.

Tags:

Напісаў мала, дэ-юрэ 55 артыкулаў, першы пра Паўла Горына (Каляду), крайні пра вёску Глівін, куды ёсць яшчэ што дадаць, дэ-факта болей, бо некаторыя пачынаў 1-3 гады таму ў чарнавіках, а скончыў і перанёс ў асноўную прастору толькі ў гэтым. Але мала, мала.

Апраўдаюся тым, што даглядзеў за год 6000+ версій артыкулаў, не лічачы адкатаў.

24 Снж 2014

Шурпа атрымалася афігенскі, апошнім разам еў такую мусіць гадоў 25 таму ў Ленінградзе, нават памятаю адрас, але той ядальні цяпер там няма. А была пад сціплай назвай "Сосисочная", во як шыфравалася шыкоўнае месца.

Tags:

Купіў халяльнай бараніны, пару азербайджанскіх таматаў, белай цыбулі, кінзы -- баль падчас чумы -- немудрагелістая такая шурпа будзе, гадзіны пра тры.

Учора папрасілі купіць 1/2 тоставага хлеба, беларускія былі толькі цэлыя, то ўзяў нейкі замежны -- аказаўся амерыканскім, колькі скрылькоў засталося і сёння паспытаў. Што скажу, як ні прыкра, "Мінскхлебпрам", ты -- адстой, а разам з табою і астатнія мінскія пякарні, чый хлеб даводзілася пакаштаваць. Вось, аказваецца, у чым моц амерыканскіх "пячэнек", яны проста смачныя ў адрозненне ад...

Tags:

Profile

Максім Л.
maksim_l
Максім Л.

Latest Month

Кст 2015
S M T W T F S
    123
45678910
11121314151617
18192021222324
25262728293031

Syndicate

RSS Atom
Распрацавана LiveJournal.com
Designed by chasethestars